ദോഹ: ഇന്ത്യൻ കൾച്ചറൽ സെന്റർ (ഐസിസി) ഈദ് ആഘോഷങ്ങളുടെ ഭാഗമായി ഗ്രാന്റ് ഈദ് ബസാർ & മെഹന്ദി നൈറ്റ് ഇന്ത്യൻ അംബാസിഡർ വിപുൽ ഉത്ഘാടനം ചെയ്തു.ഐ സി സി അശോകഹാളിൽ നടക്കുന്ന ഈദ് ബസാറിൽ കരകൗശല വസ്തുക്കൾ, തുകൽ ഉൽപ്പന്നങ്ങൾ, അനുകരണ ആഭരണങ്ങൾ, റെഡിമെയ്ഡ് ഇന്ത്യൻ പരമ്പരാഗത വസ്ത്രങ്ങൾ, രുചികരമായ ഇന്ത്യൻ ഭക്ഷണം എന്നിവയുടെ 60 ലധികം ഊർജ്ജസ്വലമായ സ്റ്റാളുകൾ ബസാർ പ്രദർശിപ്പിച്ചു. ഷോപ്പിംഗ് ആനന്ദങ്ങൾക്ക് പുറമേ, ബസാറിൽ ലൈവ് മൈലാഞ്ചി സ്റ്റേഷനുകളും സജ്ജമാക്കിയിട്ടുണ്ട് .മാർച്ച് 29 ശനിയാഴ്ച വരെ ബസാർതുടരും.പ്രവേശനം സൗജന്യമാണ്. ഉത്ഘാടന ചടങ്ങിൽ ഇന്ത്യൻ എംബസി ചാൻസറി ആൻഡ് കോൺസുലർ മേധാവി ഡോ. വൈഭവ് എടണ്ടലെവിശിഷ്ടാതിഥിയായിരുന്നു.ഐസിസി പ്രസിഡന്റ് എ.പി. മണികണ്ഠൻ എല്ലാവർക്കും ഈദ് മുബാറക് ആശംസിക്കുകയും പരിപാടിയുടെ വിജയത്തിനായി സംഭാവന നൽകിയ എല്ലാവർക്കും നന്ദി പറയുകയും ചെയ്തു.ഐസിസി ജനറൽ സെക്രട്ടറി എബ്രഹാം കെ. ജോസഫ്സ്വാഗതവും
ഐസിസി ഐടി & സോഷ്യൽ മീഡിയ മേധാവി സന്ദീപ് ശ്രീരാമറെഡ്ഡി നന്ദിയും പറഞ്ഞു.ഐ‌എസ്‌സി പ്രസിഡന്റ് ശ്രീ. ഇ. പി. അബ്ദുറഹ്മാൻ, ഐ‌ബി‌പി‌സി പ്രസിഡന്റ് ശ്രീ. താഹ മുഹമ്മദ്, ജനറൽ സെക്രട്ടറി ശ്രീ. ദീപക് ഷെട്ടി പ്രതിനിധീകരിക്കുന്ന ഐ‌സി‌ബി‌എഫ്, ഐസിസി, ഐ‌സി‌ബി‌എഫ്, ഐ‌ബി‌പി‌സി, ഐ‌എസ്‌സി എന്നിവയുടെ മാനേജ്‌മെന്റ് കമ്മിറ്റി അംഗങ്ങൾ എന്നിവരുൾപ്പെടെ പ്രമുഖ കമ്മ്യൂണിറ്റി നേതാക്കൾ പരിപാടിയിൽ പങ്കെടുത്തു.
